Azkeneko aukera krisia ulertzeko

Hirugarren aukera Krisia Ulertzeko
"Hiru aukera krisia ulertzeko" kanpainaren baitan burutuko dan azken hitzaldia izango da hau.Kanpaina hau, Kementsu elkarteak eta Gazte Asanbladak antolatu dabe elkarlanean, eta udal kultur batzordearen laguntza jaso dau. Kanpainaren helburua krisi ekonomikoa zergaitik sortu dan, zein ondorio daukozan eta ea gizarte eredu honek alternatibarik ba ote daukon hausnartzea da. Horretarako hiru hitzaldi/mahai inguru antolatu diez. Lehengo hitzaldia (martxoa) krisiaren kausei buruzkoa izan zan eta Joseba Garmendiak emon eban (EHUko irakaslea). Bigarrenean (apirila), ELA eta LAB krisiak sortu dauen egoera sozio laboralaren gainean mintzatu ziren.

Azken hitzaldi/mahai inguruan gizarte eredu berri bat irudikatu nahi dogu, eta gizarte eredu berri hori eraikitzeko gakoen gainean eztabaidatu. Datorren barikuan izango da, hilak 29, 19:00etan Kultur etxean. Hainbat iradokizun jaso doguz krisia@euskalerria.org helbidean, eta saiatu gara hirugarren saioaren planteamenduan ekarpenok kontutan hartzen. Hiru hizlari izango doguz: Gorka Bueno, Jon Sarasua eta Nekane Jurado. Euretariko bakoitzak 20 min. eukiko dauz bere gaiaren gainean azalpena egiteko:

Gorka Bueno: Energia eta jasangarritasuna.
Jon Sarasua: Lankidetza eta autoeraketa.
Nekane Jurado: XXI. mendeko sozialismo eredurik ba al dago?

Azalpenen ondoren, ondoko galdera hau luzatuko zaie mahai inguruan eztabaidatzeko: zeintzuk dira gizarte eredu berri bat eraikitzeko klabeak? Nola eman gizarte eredu berri baterako jauzia?
Bukatzeko publikoak galderak edo hausnarketak egiteko aukera izango dau.