2009/05/22

Maiatzaren 30ean OTXANDIXUA!!!!!

Orain dela 8 urte, atzean daukagun atetik, Otxandioko gazteok etxe honetara sartu eta okupazioaren bitartez herriko gaztetxe bilakatu genuen. Hemen bezala Elorrixon, Atxondon, Abadiñon, Durangon, Mañarin, Iurretan, Zornotzan, Berrizen eta Zaldibarren ere okupaziorako hautua egin genuen: Herriko etxe zaharrak okupatuz, berriztatuz eta urteetan zehar autogestioaz aurrera eginez. Manifestazioak, antzerkiak, kontzertuak, bazkariak, herriko jaien eta kulturaren bultzadak, guzti hau eta gehiago gure herrietako errealitate gordina aldatu asmotan. Oztopoak oztopo, esan dezakegu partida hau irabazten gaudela. Durangaldeko herrietan ugariak izan dira baita ere gazte asanbladek aurrera eramandako borrokak. Euskararen aldekoak, AHTaren aurkakoak, proiektu komunikatiboen aldekoak, aisialdi eredu ezberdin baten aldekoak, gaztetxeen aldekoak... Egun 7 gaztetxe daude gure eskualdean eta herri bakoitzean gaztetxe bat egon arte ez dugu amore emango. Nahiz eta denen gustokoa ez izan, herriek behar dutelako eta beharko dutelako, herri bat gaztetxe bat!

4 urte pasa dira durangaldeko gaztetxe eta gazte asanbladek koordinazio faltaren ondorioz batzen hasi eta elkarrekin ekimen ezberdinak antolatzen hasi ginela. Urte honen hasieran, "partida ez da bukatu" kanpainari hasiera eman genion, ekimen ezberdinak eginez. Duela 2 hilabete, Elorrixoko kaleak gaztetxeen defentsako eta AHTaren aurkako oihuekin bete genituen, eta Maiatzaren 30ean, kanpainari bukaera emango diogu jaialdi bat eginez Otxandixon.

Gazte guztiak Otxandixora etortzera animatzen ditugu. Aldi berean, maiatzaren 29an durangon izango den AHTaren aurkako gazte manifarako deialdia ere egiten dugu. Jake mate trenari!Maiatzak 30eko egitaraua (Otxandixon)
11:30etan Eztabaidak - gaia Durangaldeko Gaztetxe eta Gazte Asanbladak
13:30etan Trikipoteoa herriko tabernetatik
14:30etan Bazkari herrikoia
ondoren monologoa
18:30etan Kalejira Gaztetxeak defendatuz AHT gelditu!
ondoren ekitaldia
20:00etan Playback gaztetxeroa
22:00etan Kontzertuak
Plazan: Desperdicio, Halbstarke, Disorders eta Berbena
Gaztetxean: Delirium tren ez! eta DJ jean pierre

No hay comentarios: