10. URTEURRENIEN, SU HONEK BIDAUEN HAUSPUE GARELAKO…

10 urte pasatu dira Otxandioko kartzela zaharra Gaztetxe bihurtu genuenetik, urte hauek ez dira alperrik pasatu, herritarron topagune, erreferentzi eta ardatz izatea lortu baitugu. 10. urteurren hau ekainaren 4an jai erraldoi batekin ospatuko dugu, baina ez dugu urtebetetze hau egun bateko festara mugatu nahi, herritar guztientzat urte osoko ospakizun partehartzaile batera baizik.

Aspaldiko errementariek hauspoaren laguntzaz sugarra indartsu mantentzen zuten moduan, guk ere hauspoa hartu eta orain 10 urte sortutako sua indartzen dihardugu. Denon indar, gogo eta ilusioarekin gaurkoan hemen gaude eta etorkizunean ere presente egoteko nahia ez digu inork ezta ezerk kenduko. Horregatik, “Su honek bidauen hauspue garelako…” zabal dezagun lau haizeetara.

Bukatzeko, Gazte Asanbladatik deia luzatzen dizuegu hemendik aurrera egingo ditugun ekintzetan parte hartzera, izan ere denon artean pizturiko sua ez da inoiz itzaliko!!

….OTXANDIXOKO GAZTETXEAK 10 URTE ETA BESTE HORRENBESTE!!!

Otxandixoko Gazte Asanblada