Gasteizko Zaramaga auzoko Arte eta Ofiziozko eskola zaharra okupatu zuten asteartean bertako gazte asanbladako kideek, baina Ertzaintzak desalojatu egin zuen atzo, Arabako Diputazioak jarritako salaketa baten ostean epaileak eraikina husteko agindua emanda. 15 gazte izan ziren atxilotuak, denbora gutxira aske utzi bazituzten ere.
Eraikinaren hustean Ertzaintzak izandako jarrera oldarkorra eta Arabako Diputazioaren jarrera salatu dute gaur goizean gazte asanbladako kideek eta babesa azaldu dieten hainbat herritarrek prentsaurreko baten bidez. Argi utzi nahi izan dute inork ez duela lortuko beraien lana eteta, eta okupazioaren helburu bakarra auzoa biziberritzea eta eskaintza kultural alternatibo bat eskaini ahal izatea izan direla.
No hay comentarios:
Publicar un comentario